مقبول خبریں
پیپلز پارٹی اور مسلم لیگ ن میں آج پاور شیئرنگ طے پا جانے کا امکان
اسلام آباد: پیپلز پارٹی اور مسلم لیگ ن میں آج پاور شیئرنگ کے معاہدے کے مسودے کو حتمی شکل دی جائے گی۔
ذرائع کے مطابق مذاکرات آج شام 4بجے سینیٹر اسحاق ڈار کی رہائش گاہ پر ہوں گے،ن لیگ معاہدے پر دستخط سےپہلے دیگر اتحادیوں کو بھی اعتماد میں لے گی۔
ذرائع کے مطابق ہر جماعت کو اس کی نمائندگی کے مطابق کابینہ میں نمائندگی ملے گی ، جب کے پیپلز پارٹی کو کابینہ میں شامل کرانے سے متعلق ن لیگ اپنا مطالبہ دوبارہ دہرائے گی۔
پیپلز پارٹی کی مرکزی قیادت بھی اس وقت اسلام آباد میں موجود ہے۔
آج مذاکرات میں پاور شیئرنگ سے متعلق آئینی اور حکومت سازی سے متعلق امور پر پیش رفت ہونے کا امکان ہے، مذاکرات کے بعد مشترکہ اعلامیہ بھی جاری کیا جائے گا۔