8اکتوبر کے بعد اسرائیلی فوج پر سب سے بڑا حملہ کیا: حزب اللہ

لبنانی مزاحمتی تنظیم حزب اللہ نے کہا ہے کہ ہم نے 8اکتوبر کے بعد اسرائیلی فوج پر سب سے بڑا حملہ کیا ہے۔

حزب اللہ کے مطابق سینئر کمانڈر کی شہادت کے بعد حزب اللہ نے اسرائیل پر ڈرون حملے کئےہیں،شمالی اسرائیل میں آئی ڈی ایف کے کمانڈ سینٹر کو نشانہ بنایاگیا۔

اسرائیلی فوج نے جنوبی لبنان میں فضائی حملے میں حزب اللہ کے سینیئر کمانڈر وسام الطویل کو شہید کر دیاتھا جس کے بعد حزب اللہ نےاسرائیل پر ڈرون حملےکئے ہیں۔

وسام الطویل حزب اللہ کے مزاحمتی یونٹ کے نائب سربراہ تھے، اسرائیلی فوج نے حزب اللہ کمانڈر کو جنوبی لبنان کے قصبے میں گاڑی میں سفر کے دوران نشانہ بنایا۔

خبر ایجنسی کے مطابق اسرائیلی فوج نے کمانڈ سینٹر پر ڈرون حملوں کی تصدیق کردی ہے۔

دوسری جانب اسرائیل کے لبنان پرحملےکے نتیجے میں حزب اللہ کے سینئر کمانڈر سمیت 4ارکان شہید ہوگئے ہیں ۔

غیر ملکی میڈیا کے مطابق اسرائیلی فضائیہ نے ڈرون کمانڈر علی حسین برجی کو کار میں نشانہ بنایا ہے،علی حسین برجی کمانڈر وسام التویل کی نماز جنازہ کے مقام پر موجود تھے۔

دوسری جانب اسرائیل اور لبنان کے درمیان سرحد پر کشیدگی میں اضافہ ہوا ہے،حملوں کے خدشات پر سرحدی علاقوں سے ہزاروں افراد بے گھر ہوگئے ہیں۔

عرب میڈیا کے مطابق شمالی اسرائیل کا سرحدی قصبہ شلومی مکمل خالی،سائرن بجتے رہے،120 کلومیٹر کی سرحد پر اس وقت شدید کشیدگی ہے۔

یہ پڑھیں : اسرائیلی بربریت جاری ،24گھنٹے کے دوران مزید124 فلسطینی شہید