مقبول خبریں
کمپیوٹر کی بورڈ میں کئی دہائیوں بعد نئے بٹن کا اضافہ
![کمپیوٹر کی بورڈ میں کئی دہائیوں بعد نئے بٹن کا اضافہ](https://urdu.gtvnewshd.com/wp-content/uploads/2024/01/keyboard.webp)
کمپیوٹر کی بورڈ میں 30 سال بعد نئے بٹن کا اضافہ کیا جارہا ہے۔
امریکا کی ملٹی ٹیکنالوجی کمپنی مائیکرو سافٹ نے کمپیوٹر اور لیپ ٹاپس کے کی بورڈ میں نئے بٹن کے اضافے کا اعلان کردیا۔
غیرملکی میڈیا کے مطابق دنیا بھر میں استعمال کیے جانے والے کی بورڈ یا لیپ ٹاپس میں آخری تبدیلی 1990ء میں کی گئی تھی اور اب 2024 میں اس میں دوبارہ تبدیلی کی جائے گی۔
مائیکرو سافٹ نے اپنی پوسٹ میں بتایا ہے کہ اب کی بورڈ میں موجود ونڈوز کے بٹن کی جگہ نیا بٹن کوپائلٹ (Copilot) شامل کیا جائے گا،تبدیلی کے بعد یہ نیا بٹن کی بورڈز کے دائیں جانب کے alt بٹن کے برابر میں نظر آئے گا۔
رپورٹ کے مطابق کی بورڈز میں کوئی اضافی بٹن نہیں دیا جائے گا بلکہ پرانے بٹن کی جگہ اسے شامل کیا جائے گا۔
نئے بٹن کوپائلٹ (Copilot) کے استعمال سے صارفین آرٹیفیشل انٹیلی جنس (اے آئی) ٹولز تک رسائی حاصل کر سکیں گے، اسی بٹن کے تحت ونڈوز کے فیچرز تک بھی رسائی حاصل ہوسکے گی۔
غیرملکی میڈیا کے مطابق اسی طرح نئے لیپ ٹاپس بھی نئے بٹن کے ساتھ بنائے جائیں گے اور اس حوالے سے مائیکرو سافٹ نے کی بورڈز سمیت دیگر آلات بنانے والی کمپنیوں سے اشتراک بھی کر لیا ہے۔
یہ پڑھیں : ایلون مسک کا ایک اور یوٹرن،ایکس میں ایک اور بڑی تبدیلی