تعلقات میں کشیدگی : سعودی عرب اور یو اے ای کا جو بائیڈن سے بات کرنے سے انکار

امریکہ کے خلیجی ممالک کے اہم ممالک سے تیل کے باعث تعلقات خراب ہوگئے ہیں، سعودی عرب اور متحدہ عرب امارات نے جو بائیڈن سے بات کرنے سے انکار کردیا ہے۔

سعودی عرب اور متحدہ عرب امارات کے رہنماؤں نے حالیہ ہفتوں میں امریکی صدر جو بائیڈن کے ساتھ کام کرنے کو مسترد کردیا ہے، کیونکہ امریکہ اور اس کے اتحادیوں نے یوکرین پر روس کے حملے کی وجہ سے توانائی کی قیمتوں میں اضافے کو روکنے کی کوشش کی ہے۔

سعودی ولی عہد محمد بن سلمان اور متحدہ عرب امارات کے شیخ محمد بن زید النہیان دونوں بات چیت کے لیے امریکی درخواستوں کے باوجود جو بائیڈن کے لیے دستیاب نہیں ہیں۔ ایک امریکی اہلکار نے کہا کہ فون کال کی کچھ توقع تھی، لیکن ایسا نہیں ہوا۔

یہ بھی پڑھیں : سعودی عرب کی روس اور یوکرین کے درمیان ثالثی کی پیشکش

گزشتہ ہفتے اوپیک جس میں روس بھی شامل ہے، نے مغربی درخواستوں کے باوجود تیل کی پیداوار بڑھانے سے انکار کر دیا، لیکن جب بائیڈن انتظامیہ روسی تیل کی درآمد پر باضابطہ پابندی عائد کرنے کے بعد تیل کی سپلائی میں اضافہ کرنے کی کوشش کر رہی ہے۔

خلیجی خطے میں امریکی پالیسی پر بائیڈن انتظامیہ کے دوران امریکہ اور سعودی عرب کے درمیان تعلقات میں سرد مہری آئی ہے۔

مسائل میں ایران جوہری معاہدے کی بحالی، یمن کی خانہ جنگی میں سعودی مداخلت کے لیے امریکی حمایت کی کمی اور حوثیوں کو دہشت گرد گروہوں کی فہرست میں شامل کرنے سے انکار؛ سعودی سویلین جوہری پروگرام میں امریکہ کی مدد؛ اور شہزادہ محمد کے لیے قانونی استثنیٰ، کیونکہ وہ سعودی صحافی جمال خاشقجی کے قتل کے مقدمے کا سامنا کر رہے ہیں، شامل ہے۔