حکومت مذاکرات جاری رکھنا چاہتی ہے، بہت ساری باتوں پر اتفاق ہو گیا ہے : اٹارنی جنرل

اسلام آباد : منصور اعوان کا کہنا ہے کہ حکومت مذاکرات جاری رکھنا چاہتی ہے، دو مئی کو جو مذاکرات منقطع ہوئے، وہ پی ٹی آئی نے کیئے۔

اٹارنی جنرل آف پاکستان منصور اعوان نے میڈیا سے گفتگو کرتے ہوئے کہا کہ مذاکرات کی بہت کوشش کی تھی۔ حکومت کی طرف سے اپریل میں بہت کوشش کے بعد اپوزیشن اور پی ٹی آئی کو مذاکرات کی ٹیبل پر لائے تھے۔

یہ بھی پڑھیں : پی ٹی آئی حکومت میں بھرتی سرکاری ملازمین بھی جلاؤ گھیراؤ میں ملوث تھے : نگراں وزیر

انہوں نے کہا کہ دو مئی کو جو مذاکرات منقطع ہوئے، وہ پی ٹی آئی نے کیئے۔ حکومت نے تو سپریم کورٹ میں بھی کہا کہ ہم مذاکرات جاری رکھنا چاہتے ہیں۔ بہت ساری باتوں پر اتفاق ہو گیا ہے، بس تاریخ پر اتفاق ہونا ہے۔