عجیب حادثہ ، جب جہاز ٹوٹ گیا مگر خوش قسمتی سے کوئی جانی نقصان نہ ہوا

بوئنگ 757-200 مال بردار طیارہ لینڈنگ کے دوران ڈرامائی انداز سے 2 ٹکڑوں میں تقسیم ہوگیا۔

یہ واقعہ کوسٹا ریکا کے جوآن سانتاماریہ انٹرنیشنل ایئرپورٹ میں کوریئر کمپنی ڈی ایچ ایل کے طیارے کے ساتھ پیش آیا۔

ڈی ایچ ایل کے مطابق مطابق طیارے کو ایمرجنسی لینڈنگ کرنا پڑی تھی اور رن وے پر پھسلتے ہوئے وہ درمیان سے 2 حصوں میں تقسیم ہوگیا۔

بیان کے مط

A much clearer version of the crash landing has emerged!

Source: Unknown#DHL #AvGeek pic.twitter.com/FCYbgFaW0H

— AviationSource (@AvSourceNews) April 7, 2022

 

بیان کے مطابق خوش قسمتی سے عملے کو کوئی نقصان نہیں ہوا اور ایک فرد کا احتیاطاً طبی معائنہ کرایا گیا۔

کوسٹا ریکا کی سول ایوی ایشن اتھارٹی کے حکام نے بتایا کہ یہ طیارہ گوئٹے مالا جارہا تھا جب اس کے ہائیڈرولک سسٹم نے کام کرنا چھوڑ دیا۔

حکام کے مطابق اس مسئلے کے باعث طیارے کو ٹیک آف کے کچھ دیر بعد ہی ایمرجنسی لینڈنگ کی درخواست کرنا پڑی۔

لینڈنگ کے دوران وہ رن وے کے برابر میں گھاس کے میدان میں لینڈا ہوا جس کے بعد طیارے کی دم الگ ہوگئی جبکہ ونگ کو نقصان پہنچا۔

بوئنگ کمپنی کے ترجمان نے اس حوالے سے جواب دینے سے انکار کیا جبکہ ڈی ایچ ایل اور ایئرپورٹ انتظامیہ نے بتایا کہ انہوں نے مل کر طیارے کو جائے حادثہ سے اٹھایا۔

1999 built DHL Aero Expreso B757-27APCF aircraft did an emergency landing receiving substantial damages at Juan Santamaría International Airport (SJO),followed by takeoff and a 25 minutes holding pattern from the same airport on 7th April.
📹Edwin Rose #aircraft #safety #aviation pic.twitter.com/p6hkCXqOLY

— FL360aero (@fl360aero) April 7, 2022

ڈی ایچ ایل کمپنی نے بتایا کہ واقعے کی تحقیقات متعلقہ حکام کے ساتھ مل کر کی جارہی ہے تاکہ تعین کیا جاسکے کہ یہ حادثہ کیوں ہوا۔

اس حادثے کے بعد ایئرپورٹ 5 گھنٹے تک بند رہا جس کے باعث 8500 مسافر اور 57 کمرشل و مال بردار پروازیں متاثر ہوئیں۔