مقبول خبریں
شاہ محمود قریشی کا تحریری یقین دہانی جمع کرانے سے انکار، رہائی کا معاملہ رک گیا
اسلام آباد : عدالتی احکامات کے باوجود شاہ محمود قریشی کی اڈیالہ جیل سے رہائی کا معاملہ لٹک گیا، انہوں نے تحریری یقین دہانی جمع کرانے سے انکار کردیا۔
بیرسٹر تیمور ملک کا کہنا ہے کہ شاہ محمود قریشی کی رہائی کا حکمنامہ تحریری یقین دہانی سے مشروط ہے۔ انہوں نے اب تک تحریری یقین دہانی عدالت کو جمع نہیں کرائی۔
یہ بھی پڑھیں : اسلام آباد ہائیکورٹ کا شاہ محمود قریشی کو رہا کرنے کا حکم
انہوں نے کہا کہ شاہ محمود قریشی ایسا کوئی اقرار نامہ نہیں دینا چاہتے، جس سے ان کے سیاسی و جمہوری حقوق متاثر ہوں۔ عدالتوں کا بہت احترام ہے، تاہم پر امن احتجاج سیاسی جماعتوں کا جمہوری حق ہے۔
واضح رہے کہ گزشتہ روز اسلام آباد ہائیکورٹ نے شاہ محمود قریشی کی رہائی کا حکم دیا تھا۔