شہزادہ چارلس ایک بار پھر کورونا وائرس کا شکار ہوگئے

لندن: برطانیہ کے شہزادہ چارلس کورونا میں مبتلا ہوگئے جس کے بعد انہوں نے قرنطینہ کرلیا ہے۔

شہزادہ چارلس کے حکام کی جانب سے جاری ایک بیان میں کہا گیا ہے کہ برطانوی شہزادہ چارلس کا آج صبح کورونا ٹیسٹ مثبت آیا ہے جس کے بعد انہوں نے تنہائی اختیار کرلی ہے۔

یہ بھی پڑھیں: برطانیہ میں 1 لاکھ سے زائد نئے کورونا کیسز رپورٹ

بیان میں مزید کہا گیا ہے کہ شہزادہ چارلس نے ونچسٹر میں آج کی تقریبات میں شرکت نہ کرنے پر مایوسی کا اظہار کرتے ہوئے کہا ہے کہ وہ جلد از جلد اپنے دورے کو دوبارہ ترتیب دینے کی کوشش کریں گے۔

This morning The Prince of Wales has tested positive for COVID-19 and is now self-isolating.

HRH is deeply disappointed not to be able to attend today’s events in Winchester and will look to reschedule his visit as soon as possible.

— The Prince of Wales and The Duchess of Cornwall (@ClarenceHouse) February 10, 2022

واضح رہے کہ برطانوی شہزادہ چارلس دوسری بار کورونا میں مبتلا ہوئے ہیں اس سے قبل 2020 میں ان میں کورونا کی تشخیص ہوئی تھی۔