مقبول خبریں
غزہ میں پولیو نے وبائی صورت اختیار کرلی، لاکھوں فلسطینیوں کو متاثر ہونے کا خدشہ
جی ٹی وی ویب ڈیسک
30 جولائی, 2024 11:22
غزہ میں جاری اسرائیلی بربریت کے باعث بیماریاں مزید پھیلنے لگیں جب کہ مظلوم فلسطینیوں میں پولیو وائرس شدت سے پھیلنے لگ گیا ہے۔
فلسطینی وزارت صحت نے اسرائیل کی تباہ کن فوجی کارروائی کو مہلک وائرس کے پھیلاؤ کا ذمہ دار قرار دیتے ہوئے پورے فلسطینی علاقے میں پولیو کی وبا کا اعلان کیا ہے۔
ایک بیان میں فلسطینی وزارت صحت نے کہا کہ یہ صورتحال غزہ اور ہمسایہ ممالک کے باشندوں کی صحت کے لیے خطرہ ہے جو اسرائیل کی نسل کشی کی وجہ سے صحت عامہ کی بگڑتی ہوئی ہنگامی صورتحال کی تازہ ترین علامت ہے۔
رواں ماہ کے اوائل میں غزہ کی وزارت صحت نے کہا تھا کہ اس نے اقوام متحدہ کے ادارہ برائے اطفال (یونیسف) کے تعاون سے پولیو وائرس ٹائپ ٹو کا سراغ لگا لیا ہے۔
ادھر عالمی ادارہ صحت (ڈبلیو ایچ او) نے اعلان کیا ہے کہ وہ حال ہی میں گندے پانی اور سیوریج کے نمونوں میں پولیو وائرس کی نشاندہی کے بعد غزہ کو 10 لاکھ پولیو ویکسین بھیجے گا۔
ڈبلیو ایچ او کے ایک ترجمان نے کہا کہ بچوں تک ویکسین کی رسائی کو یقینی بنانے کے لئے جنگ بندی کی ضرورت ہے۔
متعلقہ خبریں
