شاعر اجمل سراج کراچی میں انتقال کرگئے

کراچی: شاعر اجمل سراج شہر قائد میں انتقال کرگئے۔

اجمل سراج پھیپھڑوں کے کینسر میں مبتلا تھے اور شہر کے معروف نجی اسپتال میں کئی روز سے زیر علاج تھے۔

ان کی نماز جنازہ آج بعد نماز عصر طیبہ مسجد زمان ٹاؤن میں ادا کی جائے گی۔

اجمل سراج 1968 میں کراچی میں پیدا ہوئے، جنہوں نے کراچی یونیورسٹی سے ماسٹرز کی ڈگری حاصل کی اور نجی روزنامے کے ساتھ میگزین ایڈیٹر کے طور پر کام کیا۔

انہوں نے کئی نظمیں لکھیں جن میں بجھ گیا رات وہ ستارا بھی اور میں نے اے دل تجھے سینے سے لگایا ہوا ہے بہت مشہور ہوئیں۔

مرحوم شاعر کی نظموں کا مجموعہ اور میں سوچتا رہا پہلی بار 2005 میں شائع ہوا اور 2010 میں آرٹس کونسل کراچی نے اسے دوبارہ شائع کیا۔