مقبول خبریں
پی سی بی کا ہیڈ کوچز کے بعد غیر ملکی پچ ایکسپرٹ لانے کا فیصلہ
پاکستان کرکٹ بورڈ (پی سی بی) نے انٹرنیشنل کیوریٹر کی خدمات حاصل کرنے کا فیصلہ کیا ہے۔
ذرائع کے مطابق پچز اور گراؤنڈز کے معیار کو بہتر بنانے کے لیے غیر ملکی ایکسپرٹ لانے کا فیصلہ کیا گیا ہے جب کہ انٹرنیشنل پچز ایکسپرٹ کے ساتھ جلد معاہدہ طے ہونےکا بھی امکان ہے۔
ذرائع کا کہنا ہے کہ چیمپئنز ٹرافی سے قبل کیوریٹر پچز کے بہتر معیار کو یقینی بنائیں گے اور مقامی کیوریٹرز کو تربیت دیں گے۔
قبل ازیں کرکٹ بورڈ نے چیف کیوریٹر کی تلاش کے لیے اشتہار دیا تھا تاہم اب بتایا جارہا ہے کہ غیر ملکی کوچز کے بعد پچ ایکسپرٹ بھی غیر ملکی ہوگا۔
یاد رہے کہ گزشتہ دنوں کرکٹ بورڈ نے جنوبی افریقا کے گیری کرسٹن کو وائٹ بال اور سابق آسٹریلوی فاسٹ بالر جیسن گیلسپی کو ٹیسٹ ٹیم کا ہیڈ کوچ مقرر کیا تھا۔