مقبول خبریں
پاکستان کی ایران میں جوابی کارروائی، دہشت گردوں کے ٹھکانوں پر حملہ
ایران کی جانب سے پاکستان کی فضائی حدود کی خلاف ورزی اور میزائل حملے کے جواب میں پاکستان نے جوابی کارروائی کرتے ہوئے ایران میں دہشت گردوں کے ٹھکانوں پر حملےکیے ہیں۔
اطلاعات کے مطابق پاکستان نے بی ایل ایف اور بی ایل اے کے دو کیمپوں کو نشانہ بنایا ہے۔
ترجمان دفتر خارجہ کے مطابق پاکستان کی جانب سے ایرانی صوبہ سیستان بلوچستان میں آج صبح کارروائی کی گئی ہے، جوابی حملے میں دہشت گرد تنظیموں کے ٹھکانوں کو نشانہ بنایا گیاہے، آپریشن میں متعدد دہشتگرد ہلاک ہوئے ہیں،جبکہ کسی سویلین یا فوجی ہدف کو نشانہ نہیں بنایا گیاہے۔
🔊: PR NO. 1️⃣7️⃣/2️⃣0️⃣2️⃣4️⃣
Operation Marg Bar Sarmachar
🔗⬇️ https://t.co/1n5BvtEZBZ pic.twitter.com/VVf5VwL00L
— Spokesperson 🇵🇰 MoFA (@ForeignOfficePk) January 18, 2024
ترجمان کے مطابق انٹیلی جنس معلومات پر کیے جانیوالے آپریشن کا نام مرگ برسرمچار رکھا گیاہے،مرگ برسر مچار نامی آپریشن انتہائی مربوط اور فوجی حملہ تھا۔
ترجمان کا کہنا ہے کہ پاکستان ایران سے رابطوں میں بار باردہشت گردوں سے متعلق آگاہ کرتا رہا ہے،دہشت گرد ایران کے حکومتی عمل داری سے محروم علاقوں میں مقیم تھے۔
ترجمان دفتر خارجہ نے مزید بتایا ہے کہ گزشتہ کئی برسوں کے دوران پاکستان دہشتگردوں کی پناہ گاہوں سے متعلق اپنے تحفظات ایران کے ساتھ شیئر کر رہا ہے۔
ترجمان دفترخارجہ کا کہنا ہےکہ اس کارروائی کا مقصد قومی مفاد کا حصول تھا جس پر کوئی سمجھوتہ نہیں کیاجاسکتا، پاکستان عوام کے تحفظ اور سلامتی کیلئے ضروری اقدامات کرتا رہے گا۔
ترجمان دفترخارجہ کے مطابق مشترکہ حل تلاش کرنے کیلئے کوشش جاری رکھی جائے گی۔
واضح رہے کہ 2 روز قبل ایران کی جانب سے پاکستان کی فضائی حدود میں حملے کے نتیجے میں 2 معصوم بچے جاں بحق اور 3 بچیاں زخمی ہو گئی تھیں۔