موجودہ پاکستانی پیسرز بہت نرم مزاج ہیں، ان میں وسیم، وقار جیسی بات نہیں: سابق بھارتی کرکٹر

ممبئی: بھارتی کرکٹ ٹیم کے سابق بیٹر محمد کیف کا کہنا ہے کہ آئی سی سی ورلڈکپ 2023 میں پاکستانی ٹیم کے پیسرز بہت نرم مزاج ںظر آئے۔

سماجی رابطے کی سائٹ ٹوئٹر (ایکس) پر ٹوئٹ کرتے ہوئے محمد کیف نے لکھا کہ پاکستانی تیز گیندباز بہت نرم مزاج نظر آئے، وسیم اکرم، وقار یونس اور شعیب اختر حریف کو ڈراتے تھے، کبھی کچھ بول بھی دیتے تھے لیکن بابر، حارث، شاہین ان میں وہ چمک نہیں تھی! وہ بہت دوستانہ لگ رہے تھے۔

یہ بھی پڑھیں: فاسٹ بولرحارث رؤف کو آئی سی سی ٹی ٹوئنٹی ٹیم آف دی ایئر کی کیپ مل گئی

Somehow feel this Pakistan team was too soft, their pacers too nice. Wasim, Waqar, Shoaib were intimidating. They would stare at you, even sledge. Babar, Shaheen, Rauf – they lacked that aura, they looked too friendly. #CWC2023

— Mohammad Kaif (@MohammadKaif) November 13, 2023

واضح رہے کہ آئی سی سی ورلڈکپ میں پاکستانی ٹیم 9 میچوں میں 5 شکستوں اور 4 فتوحات کے بعد ایونٹ سے باہر ہوچکی ہے۔

آئی سی سی ٹورنامنٹ میں 8 پوائنٹس کے ساتھ پاکستان نے 5 ویں پوزیشن پر رہی۔