پاکستان نے جدید ترین فتح ٹو میزائل کا کامیاب تجربہ کر لیا

پاکستان نے جدید ترین نیویگیشن سسٹم سے لیس فتح 2 میزائل کا کامیاب تجربہ کر لیاہے۔

پاک فوج کے شعبہ تعلقات عامہ آئی ایس پی آر کے مطابق فتح 2جدید نیویگیشن سسٹم سے لیس میزائل ہے، میزائل 400کلو میٹر تک ہدف کو نشانہ بنانے کی صلاحیت رکھتا ہے۔

تینوں سروسزکے سینئر افسران، سائنسدانوں اور انجینئرز نے فتح 2 میزائل کے کامیاب تجربے کا مشاہدہ کیا۔

آئی ایس پی آر کے مطابق صدر اور وزیر اعظم نےکامیاب تجربے پر سائنسدانوں اورفوج کو مبارکباد دی جبکہ چیئرمین جوائنٹ چیفس آف اسٹاف اور آرمی چیف نے بھی مبارکباد دی اور فوجیوں اور سائنسدانوں کی کاوشوں کوبھرپور سراہا۔

یہ پڑھیں : پاکستان کا زمین سے زمین تک وار کرنے والے میزائل شاہین ون اے کا کامیاب تجربہ