جنگ بندی کے پانچویں روز حماس کی جانب سے 12 یرغمالی رہا

غزہ میں عارضی جنگ بندی کے پانچویں روز حماس نے 10 اسرائیلوں سمیت 12 یرغمالی رہا کردیے۔

اسرائیلی فوج کی جانب سے اطلاعات ہیں کہ حماس نے 12یرغمالیوں کو ریڈ کراس کے حوالے کیا ہے،جس میں 10اسرائیلی یرغمالی بھی  شامل ہیں۔

اسرائیلی فوج کے مطابق حماس نے علیحدہ سے 2یرغمالیوں کو بھی ریڈ کراس کے حوالے کیاہے۔

ریڈ کراس کے مطابق12یرغمالیوں کو غزہ سے مصر منتقل کردیاگیاہے، یرغمالی مصر کے علاقے کرم ابو سالم سے اسرائیل میں داخل ہوں گے۔

واضح رہے کہ غزہ میں عارضی جنگ بندی کے چار دنوں میں اب تک 50 اسرائیلی اور 150 فلسطینی قیدی رہا ہو چکے ہیں۔

یہ پڑھیں : حماس اور اسرائیل کے درمیان جنگ بندی میں 2دن کی توسیع کیلئے معاہدہ طے پاگیا