جوہری ہتھیاروں کا استعمال صرف وجود کو خطرہ ہونے پر کیا جائے گا : روس

ماسکو : روسی حکومتی ترجمان کا کہنا ہے کہ سیکورٹی پالیسی کے تحت جوہری ہتھیاروں کا استعمال صرف وجود کو خطرہ ہونے پر کیا جائے گا۔

کریملن کے ترجمان پیسکوف نے سی این این سے بات کرتے ہوئے کہا ہے کہ روس کی سیکیورٹی پالیسی یہ حکم دیتی ہے کہ ملک جوہری ہتھیاروں کا استعمال صرف اس صورت میں کرے گا، جب اس کے وجود کو خطرہ لاحق ہو۔

یہ بھی پڑھیں : روس کے یوکرین پر مزید فضائی حملے، دو بچوں سمیت چار افراد ہلاک

انہوں نے کہا کہ ہمارے پاس ملکی سلامتی کا تصور ہے اور یہ عوامی ہے، آپ جوہری ہتھیاروں کے استعمال کی تمام وجوہات پڑھ سکتے ہیں۔ لہٰذا اگر یہ ہمارے ملک کے لیے ایک وجودی خطرہ ہے تو پھر اسے ہمارے تصور کے مطابق استعمال کیا جا سکتا ہے۔