اومیکرون کے 300 سے زائد ذیلی سلسلے عالمی سطح پر گردش کر رہے ہیں : ڈبلیو ایچ او

ڈبلیو ایچ او نے کہا کہ کوویڈ 19 اب بھی ایک عالمی ایمرجنسی بنی ہوئی ہے، اومیکرون کے 300 سے زائد ذیلی سلسلے اب بھی گردش میں ہیں۔

عالمی ادارہ صحت کی ہنگامی کمیٹی کے مطابق عوامی تاثر یہ ہے کہ دنیا کے کچھ حصوں میں وبائی بیماری ختم ہو چکی ہے، لیکن یہ صحت عامہ کا ایک ایسا واقعہ ہے جو دنیا کی آبادی کی صحت کو بری طرح اور سختی سے متاثر کر رہا ہے۔ اومیکرون کے 300 سے زائد ذیلی سلسلے عالمی سطح پر گردش کر رہے ہیں۔

یہ بھی پڑھیں : چین میں کورونا کی نئی قسم اسٹیلتھ اومیکرون نے تباہی مچادی

کمیٹی نے کہا کہ اگرچہ وبائی مرض شروع ہونے کے بعد سے ہفتہ وار اموات کی تعداد سب سے کم کے قریب ہے، لیکن یہ سانس کے دیگر وائرسوں کے مقابلے میں زیادہ ہے۔ وائرس کا جاری ارتقاء برقرار رہنے کی توقع ہے۔