کراچی: پیناڈول کی ذخیرہ اندوزی کیخلاف ڈریپ کا چھاپہ، 2 لاکھ 52 ہزار ٹیبلٹ برآمد

کراچی: پیناڈول کی ذخیرہ اندوزی کیخلاف ڈریپ نے بڑی کارروائی کی ہے، وزیرصحت قادر پٹیل کی ہدایت پر کریک ڈاؤن جاری ہے۔

ترجمان وزارت صحت کا کہنا ہے کہ ڈریپ کی ٹیم نے کراچی کچی گلی میڈیسن مارکیٹ میں الطاف ٹریڈرز پر چھاپہ مارا، چھاپے کے دوران تقریباً 2 لاکھ 52 ہزار پیناڈول ٹیبلٹ برآمد ہوئی ہے۔

یہ بھی پڑھیں: ڈریپ کو جان بچانے والی دستیاب ادویات کی فہرست ویب سائٹ پر جاری کرنے کا حکم

ترجمان وزارت صحت کا کہنا ہے کہ ذخیرہ اندوزی کی وجہ سے مارکیٹ میں سے مصنوعی قلت پیدا ہوگئی تھی، ڈریپ کی ٹیم نے اسٹاک کو قبضے میں لے لیا ہے۔