مقبول خبریں
کامران ٹیسوری نے گورنر ہاؤس میں آئی ٹی گیٹ کا افتتاح کردیا
کراچی: گورنر سندھ کامران ٹیسوری نے گورنر ہاؤس میں آئی ٹی گیٹ کا افتتاح کردیا۔
کامران ٹیسوری کا میڈیا سے گفتگو کرتے ہوئے کہنا تھا کہ تقریباً ایک ملین سے زائد لوگ یہاں ٹیسٹ میں شامل ہونگے، مرحلہ وار تمام اسٹوڈنٹس کو یہاں ٹیسٹ کیلئے بلایا جائے گا، گورنر ہاؤس میں 3 شفٹوں میں بچے تعلیم حاصل کریں گے، ساڑھے 5 لاکھ لوگوں نے اب تک رجسٹریشن کرالی ہے، گزشتہ حکومت یونیورسٹی تو نہ بناسکی ، ہم نے درسگاہ کا درجہ دے دیا۔
یہ بھی پڑھیں: شہریوں کے مسائل سننے کیلئے گورنر ہاؤس سندھ کے باہر گھنٹی لگادی گئی
ان کا کہنا تھا کہ میرے کام کرنے پر کچھ لوگ تنقید کرتے ہیں، میری تصویروں والے بینرز کو پھاڑا گیا، کچھ لوگ نہیں چاہتے نوجوان پڑھ لکھ جائیں۔
انہوں نے کہا کہ میں نے جھنڈے اور بینرز نہیں لگوائے، میں نے کبھی نعرے لگوانے کیلئے نوجوانوں کو نہیں بلایا۔