کئی محاذوں پر جنگ چھیڑ کر اسرائیل پریشان! فوجیوں کی کمی کا سامنا

اسرائیل کو غزہ میں حماس کے علاوہ لبنان کی مزاحمتی تنظیم حزب اللہ سمیت دیگر گروپوں سے بیک وقت کئی محاذوں پر الجھنا مہنگا پڑ گیا۔

میڈیا رپورٹس کے مطابق تل ابیب کئی محاذوں پر ایک ساتھ جنگ چھیڑنے کے سبب افرادی قوت کی شدید قلت ہوگئی، متعدد مقامات پر لڑنے کیلئے فوجی ہی دستیاب نہیں۔

اسرائیلی میڈیا نے اعتراف کیا ہے کہ صہیونی فوج کو افرادی قوت کی کمی کا سامنا ہے، غزہ اور غرب اردن کے علاوہ شمالی سرحدوں پر حزب اللہ کے حملوں کا دفاع کرنے کیلئے فوجیوں کی مطلوبہ تعداد کم ہے۔

مزید پڑھیں: نیتن یاہو کا غزہ کی پٹی کا اسرائیل سے الحاق کرنے کا منصوبہ بےنقاب

صہیونی فوجیوں اور اعلیٰ حکام کو خطرہ ہے کہ اگر افرادی قوت جلد پوری نہ ہوئی تو جنگ کا نتیجہ کیا ہوگا، انہیں معلوم نہیں ہے۔

مزید پڑھیں: یحییٰ سنوار کیلئے محفوظ راستہ دینے کی پیشکش؛ حماس کا بیان آگیا

یاد رہے کہ غزہ کی جنگ طویل ہونے کے ساتھ اسرائیلی فوج داخلی مشکلات کا شکار ہوگئی ہے جبکہ شمالی اور جنوبی سرحدوں پر فرائض انجام دہی سے معذوری ظاہر کردی ہے۔