ایران کے عراق اور شام میں دہشت گردوں کے ٹھکانوں پر حملے

تہران: ایران نے عراق میں موساد کے ہیڈ کوارٹر اور شام میں داعش کے ٹھکانوں پر بھی حملے کیے ہیں ۔

عالمی خبر رساں ادارے کے مطابق ایران کے پاسداران انقلاب نے شام اور عراق میں اسرائیل اور داعش کے متعدد اہداف پر میزائل حملے کیے جن میں کئی دہشت گردوں کی ہلاکت کا دعویٰ کیا جا رہا ہے۔

ایران کی سرکاری نیوز ایجنسی نے دعویٰ کیا ہے کہ پاسداران انقلاب نے عراق میں کردوں کے زیر انتظام علاقوں کے دارالحکومت اربیل میں اسرائیل کی خفیہ ایجنسی موساد کے ہیڈ کوارٹر اور ایران مخالف دہشت گرد گروہوں کے ایک اجتماع پر میزائل داغے ہیں۔

🇮🇶BREAKING: IRANIAN BALLISTIC MISSILES STRIKE NEAR U.S. CONSULATE IN IRAQ

Iran claims responsibility for the barrage of missiles near the U.S. Consulate in Erbil, Iraq, citing retaliation for an Israeli strike in Syria.

The attack reportedly involved Fateh-110 ballistic… https://t.co/xIRTO7TKGg pic.twitter.com/FUUxtoTEUe

— Mario Nawfal (@MarioNawfal) January 15, 2024

نیوز ایجنسی کے بیان میں مزید کہا گیا ہے کہ عراق میں یہ میزائل حملے کرد دہشت گردوں کے کرمان اور راسک میں ہمارے عزیز ہم وطنوں کے ایک گروپ کو ناحق قتل کرنے کے جواب میں کیے گئے۔

ایران کی سرکاری نیوز ایجنسی کے مطابق ان میزائل حملوں میں اسرائیل کا جاسوس ہیڈکوارٹر تباہ اور متعددجنگجو ہلاک ہوگئے۔

پاسداران انقلاب نے شام میں بھی دہشت گردوں کے علاقوں پر بیلسٹک میزائل حملے کیے جس میں داعش کے ٹھکانوں کو نشانہ بنایا گیا جب کہ حلب میں بھی داعش پر حملے کیے گئے ہیں ۔

یہ پڑھیں : غزہ پراسرائیلی حملے روکنے کے طریقوں پر ایران سے بات کی ہے: حماس