ایران : اخلاقی پولیس حراست میں خاتون کی موت، مظاہرے جاری، پانچ افراد ہلاک

تہران : ایران میں اخلاقی پولیس حراست میں خاتون کی موت کے خلاف مظاہروں کے دوران پانچ افراد ہلاک ہوچکے ہیں۔

ایران کے صوبہ کردستان سے تعلق رکھنے والی 22 سالہ مہسا امینی کوما میں چلی گئی اور گزشتہ ہفتے تہران میں اخلاقی پولیس کے ہاتھوں گرفتاری کے بعد انتقال کر گئی، جس کے بعد دارالحکومت سمیت متعدد علاقوں میں مظاہرے شروع ہوئے۔

واقعے پر کرد علاقوں میں شدید ردعمل پایا جاتا ہے، جہاں مظاہروں کا سلسلہ جاری ہے۔ پولیس کے ساتھ جھڑپوں کی بھی اطلاعات ہیں اور مظاہرین کی جانب سے پتھراؤ کیا جا رہا ہے۔

یہ بھی پڑھیں : امریکہ کی ایران کی پاسداران انقلاب سے وابستہ افراد پر پابندیاں

ان جھڑپوں میں اب تک پانچ افراد ہلاک ہوچکے ہیں، جس کی سرکاری سطح پر تصدیق نہ ہوسکی ہے۔ یہ ہلاکتیں کرد شہر ساقیز، دیوانداررہ اور دیہگولان سے رپورٹ کی گئیں ہیں۔ 75 زخمیوں کی بھی خبریں ہیں۔

ایرانی سرکاری خبر رساں ادارے کا کہنا ہے کہ سات صوبوں کے متعدد شہروں میں محدود مظاہرے ہوئے، جنہیں پولیس نے منتشر کر دیا۔ متعدد مظاہرین کو گرفتار کیا گیا تھا، لیکن انہوں نے دو زخمی نوجوانوں کی سوشل میڈیا پر ہلاکتوں کے کچھ دعوؤں کو مسترد کر دیا۔

خیال رہے کہ پانی کی قلت پر 2021 کے آخر میں شروع ہونے والی سڑکوں پر ہونے والی جھڑپوں کے بعد سے یہ ایران کی بدترین بدامنی ہے۔