جارج فلائیڈ قتل کیس : تین سابق پولیس افسران شہری حقوق کی خلاف ورزی کے مجرم قرار

واشنگٹن : امریکی عدالت نے فلائیڈ کے قتل کے الزام میں تین سابق پولیس افسران کو شہری حقوق کی خلاف ورزی کے الزامات پر مجرم قرار دے دیا۔

امریکی عدالت نے ایک ماہ کے طویل وقفے کے بعد افریقی نژاد امریکی شخص جارج فلائیڈ کے قتل میں ملوث تین سابق پولیس افسران پر غفلت برتنے اور شہری حقوق کی خلاف ورزی کرنے پر مجرم قرار دے دیا ہے۔

آٹھ خواتین اور چار مردوں پر مشتمل جیوری نے تین سابق افسران کو ان کے خلاف تمام الزامات کا مجرم قرار دینے سے پہلے دو دن میں 13 گھنٹے تک غور کیا۔

یہ بھی پڑھیں : عمران خان کے دورے پر تبصرہ نہیں کرسکتا، امید ہے مفادات کو مد نظر رکھا جائے گا : امریکہ

جیوری کے سامنے اپنے اختتامی دلائل میں، پراسیکیوٹر منڈا سرٹیچ نے کہا کہ تینوں افسران جانتے تھے کہ جارج فلائیڈ سانس نہیں لے سکتا، اس کی نبض نہیں ہے اور وہ مر رہا ہے۔ کوئی غلطی نہ کریں، یہ ایک جرم ہے۔

محکمہ انصاف کے مطابق کسی شخص کے شہری حقوق کی خلاف ورزی کرنے کی سزا عمر قید، یا سزائے موت، جرم کے حالات، اور نتیجے میں ہونے والی چوٹ، اگر کوئی ہو” کے لحاظ سے قابل سزا ہے۔ وفاقی سزا کے رہنماء خطوط تجویز کرتے ہیں کہ افسران کو کم سزا مل سکتی ہے۔