مقبول خبریں
فرانسیسی صدارتی انتخابات : ایمانوئل میکرون نے پہلا مرحلہ جیت لیا
Adnan Hashmi
11 اپریل, 2022 15:15
پیرس : فرانس میں آئندہ مدت کے لیئے صدارت کی کرسی تک پہنچنے کی دوڑؑ جاری ہے، میکرون نے لی پین سے کرسی کی جنگ کا پہلا مرحلہ جیت لیا ہے۔
ایمانوئل میکرون نے فرانسیسی انتخابات کا پہلا مرحلہ جیت لیا ہے اور انتہائی دائیں بازو کی حریف مارین لی پین دوسری بار صدارت کے لیے ان کا مقابلہ کریں گی۔
ستانوے فیصد نتائج کے مطابق ایمانوئل میکرون کو ستائس اشارعیہ 35 فیصد، میرین لی پین کو تئیس اشارعیہ ستانوے فیصد اور اور جین لوک کو اکیس اشارعیہ سات فیصد ووٹ ملے۔
یہ بھی پڑھیں : یوکرین کو روس کی بڑی کارروائیوں کا خدشہ، چچن رہنماء کا کیف پر قبضہ کرنے کا عندیہ
میکرون کی ٹیم پہلے سے ہی بڑی ریلیوں اور بڑے ٹی وی نمائشوں کی ایک سیریز کی منصوبہ بندی کر رہی ہے۔ بائیں طرف کے دوسرے امیدواروں میں زیادہ تر نے ان کی حمایت کی ہے۔
فرانسیسی صدر نے یوکرین پر روسی حملے کے باعث اپنی مہم صرف آٹھ دن پہلے شروع کی۔
محترمہ لی پین نے کہا کہ یہ ایک "زبردست تبدیلی” کا وقت ہے۔ انہوں نے 30 سال سے کم عمر کے افراد کے لیے ٹیکسوں میں کمی اور انکم ٹیکس معاف کرنے کا وعدہ کیا ہے۔
انہوں نے قوم پرستی پر کم زور دیا، لیکن وہ امیگریشن پر پابندی، یورپی یونین میں بنیادی تبدیلی اور عوامی مقامات پر اسلامی حجاب پر پابندی کے لیے ریفرنڈم چاہتی ہیں۔
متعلقہ خبریں
