فتنہ الخوارج کو افغان عبوری حکومت کی سرپرستی حاصل ہے، منیر اکرم

اقوام متحد ہ میں پاکستان کے مستقل مندوب منیر اکرم نے کہا کہ فتنہ الخوارج کو افغانستان کی عبوری حکومت کی سرپرستی حاصل ہے۔

منیر اکرم نےافغانستان کی صورتحال پر سلامتی کونسل میں اپنے بیان میں کہا ہےافغانستان سے فتنہ الخوارج پاکستان میں روزانہ حملے کررہا ہے۔

منیر اکرم نے کہا فتنہ الخوارج کو افغانستان کی عبوری حکومت کی سرپرستی حاصل ہے، پاکستان علاقائی اور بین الاقوامی تنظیموں سے تعاون کے لیے تیار ہے۔

ان کا کہنا تھا کہ علاقائی عدم استحکام کے خطرے پر عالمی برادری کو فکر مند ہوناچاہیے، افغانستان کے اندرونی بحران اور خواتین پر ناروا پابندیوں پر ہمیں تشویش ہے۔