چین نیپال کی سرحد پر تجاوزات کر رہا ہے : نیپالی حکومت کی مبینہ رپورٹ میں دعویٰ

کھٹمنڈو : نیپالی حکومت کی ایک مبینہ رپورٹ میں چین پر الزام لگایا گیا کہ وہ نیپال کی سرحد پر تجاوزات کر رہا ہے، جس کا معاملہ چینی حکومت کے سامنے اٹھایا گیا ہے۔

برطانوی نشریاتی ادارے بی بی سی نے ایک مبینہ لیک ہونے والی نیپالی حکومت کی رپورٹ سے متعلق دعویٰ کیا ہے کہ نیپال نے چین پر الزام لگایا گیا ہے کہ وہ دونوں ممالک کی مشترکہ سرحد پر نیپال میں گھس رہا ہے۔

یہ رپورٹ گزشتہ ستمبر میں اس دعوے کے بعد تیار کی گئی تھی کہ چین نیپال کے انتہائی مغرب میں واقع ضلع ہملا میں سرحد پر تجاوزات کر رہا ہے۔ کھٹمنڈو میں چین کا سفارت خانہ اس بات کی تردید کرتا ہے کہ وہاں کسی قسم کی تجاوزات ہوئی ہیں۔

یہ واضح نہیں کہ یہ رپورٹ ابھی تک کیوں شائع نہیں کی گئی، لیکن نیپالی حکومت نے حالیہ برسوں میں چین کے ساتھ تعلقات کو بہتر کیا ہے تاکہ جنوب میں اس کے بڑے پڑوسی بھارت کے ساتھ اپنے دیرینہ تعلقات کو متوازن کیا جا سکے۔

رپورٹ کے نتائج سے بیجنگ کے ساتھ ان بڑھتے ہوئے روابط پر دباؤ پڑنے کا امکان ہے۔ رپورٹ کے مطابق چینی سیکیورٹی فورسز نے سرحد کے نیپالی جانب مذہبی سرگرمیوں کو محدود کر دیا ہے، جو جو ہندوؤں اور بدھ مت کے ماننے والوں دونوں کے لیے ایک مقدس مقام ہے۔

یہ بھی پڑھیں : چین میں کورونا ایک بار پھر پھیلنے لگا، سرحدی شہر بائیس میں لاک ڈاؤن نافذ

کچھ لوگوں نے دعویٰ کیا کہ چین نے سرحد کے نیپالی جانب کئی عمارتیں تعمیر کی ہیں۔ نیپالی حکومت کی جانب سے ایک ٹاسک فورس بھیجی گئی تھی، جس کی رپورٹ میں کہا گیا ہے کہ نئی بننے والی عمارتیں نیپال میں نہیں چین کے سائیڈ ہی تعمیر کی گئیں ہیں۔

پچھلے دو سالوں میں نیپال میں چینی تجاوزات کی اطلاعات ہیں، جس کے نتیجے میں نیپالی دارالحکومت کھٹمنڈو میں کبھی کبھار مظاہرے ہوتے ہیں۔ تازہ ترین مظاہرہ گزشتہ ماہ ہی ہوا تھا۔

اس کے جواب میں، نیپال میں چینی سفارت خانے نے جنوری میں ایک بیان جاری کیا جس میں کہا گیا تھا کہ کوئی تنازعہ نہیں ہے۔ امید ہے کہ نیپالی عوام کو غلط انفرادی رپورٹوں سے گمراہ نہیں کیا جائے گا۔

خیال رہے کہ نیپال اور چین کی سرحد ہمالیہ کے پہاڑوں کے ساتھ تقریباً 1,400 کلومیٹر (870 میل) تک چلتی ہے۔ یہ دونوں ممالک کے درمیان 1960 کی دہائی کے اوائل میں طے پانے والے معاہدوں کی ایک سیریز میں وضع کیا گیا تھا۔

اس کا زیادہ تر حصہ دور دراز، مشکل سے پہنچنے والے علاقوں میں ہے۔ زمین پر، ستونوں کی ایک زنجیر کے ذریعے حد بندی کی گئی ہے، جو کلومیٹر کے فاصلے پر ہیں۔ اس سے بعض اوقات یہ جاننا مشکل ہو جاتا ہے کہ سرحد کہاں واقع ہے۔