چیئرمین پی ٹی آئی کیخلاف مختلف تھانوں میں مقدمات درج، اسلام آباد پولیس نے تفتیش کیلئے کل طلب کرلیا

اسلام آباد: چیئرمین پی ٹی آئی کیخلاف اسلام آباد کے مختلف تھانوں میں مقدمات درج ہوئے ہیں جس سلسلے میں اسلام آباد پولیس نے چیئرمین پی ٹی آئی کو تفتیش کیلئے کل طلب کرلیا۔

ذرائع کے مطابق تھانہ کراچی کمپنی میں درج مقدمے میں چیئرمین پی ٹی آئی کو کل 2 بجے طلب کیا گیا ہے، تھانہ ترنول میں درج مقدمے میں چیئرمین پی ٹی آئی کو کل 3 بجے طلب کیا گیا ہے۔

ذرائع کا کہنا ہے کہ چیئرمین پی ٹی آئی کو دونوں مقدمات میں طلبی کے نوٹسز جاری کردیئے گئے ہیں، پولیس کی تفتیشی ٹیم نے چیئرمین پی ٹی آئی کو مؤقف پیش کرنے کیلئے طلب کیا ہے۔

یہ بھی پڑھیں: برطانیہ سے 190 ملین پاؤنڈز کی منتقلی کیس؛ نیب نے چیئرمین پی ٹی آئی کو کل طلب کرلیا

نوٹس میں کہا گیا ہے کہ چیئرمین پی ٹی آئی ایس ایس پی انویسٹی گیشن کے دفتر میں پیش ہوں، چیئرمین پی ٹی آئی اپنی صفائی کیلئے ثبوت بھی ہمراہ لاسکتے ہیں۔