نگراں وزیراعظم نے اسمگلنگ کی فوری روک تھام کے لئےہدایت کردی

اسلام آباد :نگراں وزیراعظم کی زیرصدارت ملکی معیشت کے حوالے سے اجلاس منعقد ہوا ، اس اجلا س میں معیشت کے حالیہ اعشاریوں پر بریفنگ دی گئی اور موجودہ صورتحال کا جائزہ لیا گیا۔

نگراں وزیر اعظم نے متعلقہ حکام کو مختلف اشیاء کی اسمگلنگ کی روک تھام کیلئے مؤثر حکمت عملی کے حوالے سے ہدایت کی ،اجلاس میں ایران کے ساتھ تبادلے کی تجارت کی موجودہ پیشرفت کاجائزہ بھی لیا گیا۔

وزیراعظم کا کہناتھا کہ امیگریشن اورکسٹمز حکام سمندر پارپاکستانیوں کوہوائی اڈوں پر تمام سہولیات فراہم کریں،سمندر پار پاکستانی ہمارے ملک کا قیمتی اثاثہ ہیں، سمندر پار پاکستانیوں کی معیشت کیلئے گراں قدر خدمات قابل تعریف ہیں۔

تاجر برادری نے ملکی معیشت کی بحالی کیلئے نگراں حکومت کیساتھ مکمل تعاون کی یقین دہانی بھی کرائی ۔

یہ پڑھیں : ہمارے پاس سبسڈی دینے کیلئے مالی گنجائش نہیں : نگراں وزیر خزانہ