مقبول خبریں
برازیلین فٹبالر کو ریپ کے جرم میں 4 سال قید کی سزا
برازیلی اسٹار فٹبالر نیمار جونیئر نے ساتھی فٹبالر ڈینی ایلویز کو اسپین میں جنسی زیادتی کیس کا دفاع جاری رکھنے کے لیے کروڑوں کی مدد فراہم کردی۔
ہسپانوی عدالت نے ڈینی ایلویز کو ایک خاتون کے ساتھ جنسی زیادتی کا مجرم قرار دیتے ہوئے ساڑھے چار سال قید کی سزا اور متاثرہ خاتون کو ڈیڑھ لاکھ یورو ادا کرنے کا بھی حکم دیا ہے۔
یہ واقعہ 2022 پیش آیا تھا، اس کیس میں ایلویز کو گزشتہ سال جنوری میں گرفتار کیا گیا تھا اور وہ اسی عرصے سے جیل میں قید ہیں۔
سابق اہلیہ ڈینورا سانتانا سے طلاق کے بعد الویز کے اثاثے منجمد کردیے گئے جو ان کے خلاف گزارہ کی عدم ادائیگی پر مقدمہ بھی دائر کر چکی ہیں۔
برازیلی میڈیا کے مطابق نیمار نے ڈینی ایلویز کی مدد کے لیے 9 اگست کو 150,000 یورو عدالت میں منتقل کیے تاکہ ڈینی ایلویز عدالتی حکم پر متاثر خاتون کو مذکورہ رقم ادا کرسکیں۔
یہ بتایا جا رہا ہے کہ ڈیڑھ لاکھ یورو کی ادائیگی کے بعد الویز کو کم از کم 4 سال قید کی سزا سنائی گئی۔