مقبول خبریں
نئے سال کے آغاز پراسرائیل کی غزہ پر شدید بمباری، متعدد فلسطینی شہید
سال کے پہلے روز بھی اسرائیل اور حماس کی جھڑپیں جاری ہیںاسرائیلی فورسز نے نئے سال کے آغاز کے ساتھ ہی غزہ پر بم برسادیے جس کے نتیجے میں متعدد فلسطینی شہید ہوگئے۔
غیر ملکی میڈیاکے مطابق فلسطینیوں کو سال 2023 میں جہاں اسرائیلی جارحیت کا سامنا رہا وہیں نئے سال کے پہلے روز ہی صیہونی فورسز نے غزہ پر تابڑ توڑ حملے کیے جہاں خان یونس شہر میں خوفناک زمینی لڑائی جاری ہے۔
اس کے علاوہ اسرائیلی فورسز نے رات گئے مشرقی غزہ کے ضلع زیتون میں شیلنگ کی جس کے نتیجے میں متعدد فلسطینی شہید اور زخمی ہوئے۔
دوسری جانب نئے سال 2024ء کے موقع پر حماس کی جانب سے اسرائیل پربھی 20 راکٹ فائر کیے گئے ہیں۔
غیر ملکی میڈیارپورٹ کے مطابق حماس نے اسرائیل کے وسطی اور جنوبی علاقوں پر 20راکٹ بھی فائر کئے ہیں ، میزائل فائر ہوتے ہی اسرائیل کے مختلف علاقوں میں سائرن بجنا شروع ہو گئے۔
دوسری جانب اسرائیلی میڈیا کے مطابق اسرائیل کے وسطی اور مغربی علاقوں پر راکٹ حملے میں جانی نقصان نہیں ہوا ہے۔
اسرائیلی میڈیا کا کہنا ہے کہ حماس نے ان حملوں کی ذمے داری قبول کی ہے۔
واضح رہے کہ 7 اکتوبر سے جاری حملوں میں فلسطینی شہدا کی تعداد 21 ہزار 800 سے بڑھ گئی ہیں جبکہ اسرائیلی حملوں میں زخمیوں کی مجموعی تعداد 60ہزار کے قریب ہوگئی ہیں۔
یہ پڑھیں : 2023فلسطینیوں کیلئے بدترین سال،اسرائیل کے حملے سال کے آخری دن بھی جاری رہے