مقبول خبریں
سی پیک سیکیورٹی کیلئے دی گئی سرکاری گاڑیوں میں مبینہ کرپشن کا انکشاف
![سی پیک سیکیورٹی کیلئے دی گئی سرکاری گاڑیوں میں مبینہ کرپشن کا انکشاف](https://urdu.gtvnewshd.com/wp-content/uploads/2024/05/SPU.jpg)
سندھ پولیس کے اسپیشل پروٹیکشن یونٹ (ایس پی یو) کو سی پیک سیکیورٹی کیلئے دی گئی سرکاری گاڑیوں میں مبینہ کروڑوں روپے کی کرپشن کا انکشاف ہوا ہے۔
تفصیلات کے مطابق سندھ پولیس کے اسپیشل پروٹیکشن یونٹ میں مبینہ کروڑوں روپے کی کرپشن سامنے آئی ہے، جس پر ایڈیشنل انسپیکٹر جنرل آف پولیس خادم حسین نے اسپیشل پروٹیکشن یونٹ کے 10 افسران و اہلکاروں کو معطل کرکے انہیں ساؤتھ زون گارڈن بی کمپنی میں رپورٹ کرنے کی ہدایت کی ہے۔
ذرائع نے بتایا کہ کارروائی خفیہ تحقیقات کے بعد مبینہ کرپشن کے الزامات پر کی گئی ہے، بی کمپنی بھیجے گئے افسر اور اہلکاروں کو اختیارات کے غلط استعمال اور کرپشن کے الزامات پر ہٹایا گیا۔
![Sindh Police SPU Unit](https://urdu.gtvnewshd.com/wp-content/uploads/2024/05/WhatsApp-Image-2024-05-17-at-11.57.04-PM-760x1024.jpeg)
معطل افسر اور اہلکاروں پر سی پیک پروجیکٹ کیلئے دی گئی سرکاری گاڑیوں کے غلط استعمال کا بھی الزام ہے، افسران و اہلکاروں میں اسپیشل پروٹیکشن یونٹ سکھر کے انسپکٹر محمد فہیم اور ہیڈ کانسٹبل شامل ہیں۔
ذرائع نے جی ٹی وی کو بتایاکہ ڈی آئی جی اسپیشل پروٹیکشن یونٹ آفس میں تعینات صدام حسین بلو پر بھی کرپشن کا الزام ہے، سی پیک تھرپارکر کے 3 اہلکاروں کو بھی اختیارات کے غلط استعمال پر بی کمپنی بھیجا گیا ہے۔