اکبر ایس بابر کا پشاور ہائیکورٹ کے فیصلے کو چیلنج کرنے کا اعلان

اسلام آباد: اکبر ایس بابر پشاور ہائیکورٹ کے فیصلے کے خلاف میدان میں آگئے۔

اکبر ایس بابر نے پی ٹی آئی کو انتخابی نشان واپس دینے کے فیصلے کو چیلنج کرنے کا اعلان کردیا ہے۔

ذرائع کے مطابق اکبر ایس بابر نے کہا کہ الیکشن کمیشن کے فیصلے کا ہر فورم پر دفاع کریں گے، پشاور ہائیکورٹ الیکشن کمیشن کے فیصلے کو تبدیل نہیں کرسکتی۔

یہ بھی پڑھیں: پی ٹی آئی کو انتخابی نشان  بلا  واپس مل گیا

ذرائع کا کہنا ہے کہ اکبر ایس بابر کا کہنا تھا کہ الیکشن کمیشن ایک بااختیار ادارہ ہے، الیکشن کمیشن کے دائرہ اختیار کو بلاجواز چیلنج کیا جارہا ہے۔

انہوں نے کہا کہ پشاور پائیکورٹ کے فیصلے کا جائزہ لیکر اگلا لائحہ عمل طے کریں گے۔