منگل، 28-مئی،2024
( 20 ذوالقعدہ 1445 )
منگل، 28-مئی،2024

EN

آزاد کشمیر میں بجلی بلوں کیخلاف لانگ مارچ مظفرآباد کی طرف روانہ

13 مئی, 2024 12:27

عوامی ایکشن کمیٹی (اے اے سی) کی قیادت میں لانگ مارچ آج آزاد جموں و کشمیر کے دارالحکومت مظفر آباد کی جانب روانہ ہوگیا۔

تفصیلات کے مطابق بجلی کے بڑھتے ہوئے بلوں اور زیادہ ٹیکسوں کے خلاف پہیہ جام ہڑتال چوتھے روز میں داخل ہوگئی ہے۔

مظاہرین نے دھرنے دیے اور کوہالہ مظفر آباد روڈ کو کئی مقامات پر بند کر دیا۔ اہم سڑک 40 کلومیٹر طویل ہے، یہ کوہالہ شہر کو مظفر آباد سے جوڑتی ہے۔ ذرائع کا کہنا ہے کہ توقع ہے کہ مظاہرین مظفر آباد پہنچنے کے لیے دھیرکوٹ سے اسی سڑک کا استعمال کریں گے۔

مزید پڑھیں:صدر پاکستان کا آزاد کشمیر کی صورتحال پر ہنگامی اجلاس طلب

آزاد کشمیر حکومت نے میرپور میں مظاہروں کے دوران جھڑپوں کے بعد رینجرز اور پولیس کو طلب کرلیا۔ جھڑپوں میں اب تک ایک پولیس کانسٹیبل ہلاک اور 70 سے زیادہ زخمی ہوئے ہیں۔

لانگ مارچ سے قبل مظفر آباد میں چوکوں اور حساس مقامات پر پولیس کی بھاری نفری تعینات کردی گئی ہے۔ دارالحکومت میں تجارتی مراکز، مارکیٹیں اور تعلیمی ادارے بند ہیں جبکہ ٹرانسپورٹ بھی معطل ہے۔

دوسری جانب وزیراعظم شہباز شریف نے آزاد کشمیر کی موجودہ صورتحال پر غور کے لیے اعلیٰ سطح کا اجلاس آج طلب کرلیا۔ اس سے قبل مظاہرین اور ریاستی حکومت کے درمیان ہونے والی بات چیت کسی نتیجے پر نہیں پہنچ سکی تھی۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top