افغانستان کسی بھی ملک کے خلاف سرگرميوں کا اڈا نہيں بنے گا : طالبان

بیجنگ : طالبان کا کہنا ہے کہ افغانستان کو کسی بھی ملک کے خلاف سرگرميوں کا اڈا نہيں بننے ديا جائے گا۔

افغان طالبان کا ایک وفد مذاکرات کے لیئے چین کے دورے پر ہے، جہاں ان کی ملاقات چین کے وزیر خارجہ سے ہوئی۔ اس ملاقات میں طالبان کے طاقت میں آنے کے بعد کی صورتحال پر چینی خدشات سے متعلق بات چیت ہوئی۔

یہ بھی پڑھیں : داعش کو شام اور لیبیا سے افغانستان پہنچایا جا رہا ہے : روس

چين کو خدشہ ہے کہ غير ملکی افواج کے انخلاء کے بعد افغانستان ايغور نسل کے عليحدگی پسندوں کی تحريک کے ليے استعمال ہو سکتا ہے۔

طالبان نے ایسے خدشات کو مسترد کرتے ہوئے یقین دہانی کروائی کہ افغانستان کو کسی بھی ملک کے خلاف سرگرميوں کا اڈا نہيں بننے ديا جائے گا۔ چین نے بھی وعدہ کیا کہ افغانستان کے اندرونی معاملات ميں دخل اندازی نہيں کی جائے گی۔