امریکا میں گائے کے گوبر سے بنے بھارتی کیکس کی خرید و فروخت

امریکا میں مختلف اسٹورز پر گائے کے گوبر سے بنے بھارتی کیکس کی خرید و فروخت ہورہی ہے، جو سوشل میڈیا کے صارفین کی لئے دلچسپی کا باعث بنی ہوئی ہے۔

بھارتی صحافی نے امریکی اسٹور کی تصویر ٹوئٹ کی جس میں گائے کے گوبر سے بنے کیکس کے پیکٹ دیکھے جا سکتے ہیں۔

صحافی نے اس تصویر کے ساتھ لکھا ہے کہ ان کے ایک رشتہ دار نے انہیں امریکا سے یہ تصویر بھیجی ہے اور بتایا ہے کہ یہ کیکس امریکی ریاست نیو جرسی کے ایک اسٹور میں 3 ڈالرز میں فروخت کیے جا رہے ہیں۔

My cousin sent me this. Available at a grocery store in Edison, New Jersey. $2.99 only.
My question: Are these imported from desi cows or are they from Yankee cows? pic.twitter.com/uJm8ffoKX2

— Samar Halarnkar (@samar11) November 18, 2019

تصویر میں دیکھا جا سکتا ہے کہ ایک پیکٹ میں گوبر کے 10 کیکس پر مشتمل ہے اور اس پر لکھا ہے کہ یہ بھارت کی پراڈکٹ ہے اور یہ کھانے کے لیے نہیں بلکہ مذہبی مقصد کے لیے ہیں۔

اس تصویر پر دلچسپ تبصرے بھی کیے جا رہے ہیں۔

If someone wants to eat them, they should be allowed to do so.

— Siddharth Singh (@siddharth3) November 18, 2019

سدھارتھ سنگھ نامی ایک شخص نے تبصرہ کیا کہ اگر کوئی شخص انہیں کھانے کی خواہش رکھتا ہو تو اسے اس کی اجازت ہونی چاہیے۔

ایک صارف نے لکھا کہ ‘اچھا ہوتا اگر یہ امریکا میں "کاؤ ڈنگ کوکی” یعنی گائے کے گوبر کے بسکٹ کے نام سے فروخت ہوتے۔

ایک اور صارف نے لکھا کہ اس بات کی گارنٹی نہیں ہے کہ یہ ‘کیک’ درحقیقت بھارتی نسل کی گائے کے گوبر سے ہی بنے ہیں۔