سائنسدانوں اور بزرگوں کی مدد کرنے والا روبوٹ تیار

ناروے:ہیلوڈی کمپنی نے انسان نما ایسا روبوٹ تیار کرلیا ہے، جو تجربہ گاہ میں سائنسدانوں اور گھروں میں بزرگوں کا ہاتھ بٹائے گا۔

ناروے کی کمپنی ہیلو ڈی روبوٹکس نے پہیوں پر چلنے والا روبوٹ تیار کیا ہے جو اپنے دو بازوؤں سے کئی طرح کے کام سر انجام دے سکتا ہے۔  اس کی رفتار بائیس کلو میٹر فی گھنٹہ ہے۔

یہ انسان کے حکم کے مطابق کام کرتا ہے، روبوٹ سے کام کروانے کے لئے اسے آپریٹ کرنا ہوتا ہے۔ بزرگوں کا خیال رکھنے کے لئےافراد دور بیٹھ کر بھی روبوٹ کے ذریعے اپنے پیاروں کو دوائیں اور کھانا وغیرہ دے سکتے ہیں۔

یہ روبوٹ جامعات اور تحقیقی اداروں میں سائنسدانوں کی مدد بھی کرتا ہے۔ اسے پروگرامنگ میں بھی استعمال کیا جاسکتا ہے.