عمیرہ احمد کے نئے ناول ’الف‘ کی رونمائی کی تاریخ کا اعلان

لاہور: ناول نگار اور اسکرین رائیٹر عمیرہ احمد کی جانب سے اپنے مداحوں کے لئے نئے ناول ’الف‘ کی رونمائی کی تاریخ کا اعلان کردیا گیا ہے۔

عمیرہ احمد نے اس سے پہلے بھی بہت سی مشہور کتابیں لکھی ہیں جن میں سے زندگی گلزار ہے، پیر کامل اور امربیل شامل ہیں۔ وہ اپنی غیر معمولی صلاحیتوں کی وجہ سے ایک ناول نگار کے ساتھ ساتھ ڈرامہ انڈسٹری میں بھی اہم کردار ادا کرتی ہیں۔

مقبول مصنفہ نے عمیرہ احمد کا ناول ’الف‘ 25 اپریل کو شائع کیا جائے گا۔ مداحوں کے لئے ایک اچھی خبر یہ ہے کہ اس ناول پر ڈرامہ بھی بنایا جا رہا ہے جس کی شوٹنگ باقاعدہ طور پر جاری ہے۔

اس ڈرامے کی شوٹنگ ترکی اور پاکستان میں کی جائے گی۔ اور رواں سال ہی اسی ڈرامے کو ریلیز بھی کیا جائے گا۔