مہنگی بجلی کے ستائے عوام کو ایک اور جھٹکا دینے کی تیاری

حکومت نے مہنگی بجلی کے ستائے عوام کو ایک اور نیا جھٹکا دینے کی تیاری مکمل کرلی۔

سرکاری ڈسکوز کے صارفین کے لیے پہلے ہی مہنگی بجلی کو مزید مہنگا کیا جا رہا ہے، جس کے تحت ایک ماہ کے لیے فی یونٹ کی قیمت میں 2 روپے 10 پیسے تک اضافے کا امکان ہے۔

اس حوالے سے سینٹرل پاور پرچیزنگ ایجنسی نے نیپرا میں درخواست دائر کردی ہے۔

سی پی پی اے کی جانب سے قیمتوں میں اضافہ ماہانہ فیول کاسٹ ایڈجسمنٹ کی مد میں طلب کیا گیا ہے۔

ایف سی اے کی اس درخواست پر نیشنل الیکٹرک پاور ریگولیٹری اتھارٹی (نیپرا) 31 جولائی کو سماعت کرے گی، اگر درخواست منظور ہوئی تو بجلی مہنگی کرنے کا نوٹیفکیشن جاری کردیا جائے گا۔