مقبول خبریں
حزب اللہ نے اسرائیل کے فوجی بیس پر حملہ کردیا
لبنان کی مزاحمتی تنظیم حزب اللہ نے سرحد سے 10 کلومیٹر اندر قابض افواج کے فوجی بیس پر حملہ کردیا۔
غیرملکی خبررساں ایجنسی کی رپورٹ کے مطابق حزب اللہ کے جنگجوؤں نے بیت ہلیل فوجی ہیڈکوارٹر پر ڈرونز سے حملہ کیا، جس میں اسرائیلی فوجی افسران کو نشانہ بنایا گیا۔
یہ حملہ الخیارہ میں گزشتہ روز شہید ہونے والے الفجر فورس کے رہنما ایمن غطمہ کے قتل کا بدلا ہے۔ حملے میں متعدد اسرائیلی فوجی زخمی ہوئے ہیں جبکہ متعدد کی حالت تشویشناک ہے۔
مزید پڑھیں: حزب اللہ سے جنگ میں اسرائیل کو شکست کا سامنا کرنا پڑے گا، ایران
قبل ازیں گزشتہ دنوں اسرائیل کے حلیف امریکا نے مشورہ دیا تھا کہ حزب اللہ کے ساتھ محاذ آرائی سے پرہز کریں۔
واضح رہے کہ کچھ روز قبل بھی حزب اللہ نے اسرائیل کے جدید اسلحے ساز کارخانے پر حملہ کیا تھا۔