مقبول خبریں
پی ٹی آئی رہنماؤں کے خلاف سپریم کورٹ میں توہین عدالت کی درخواست دائر
![پی ٹی آئی رہنماؤں کے خلاف سپریم کورٹ میں توہین عدالت کی درخواست دائر](https://urdu.gtvnewshd.com/wp-content/uploads/2024/05/rauf-hasan-shoaib-shaeen.jpg)
پاکستان تحریک انصاف (پی ٹی آئی) رہنماؤں کے خلاف سپریم کورٹ آف پاکستان میں توہین عدالت کی درخواست کردی گئی۔
سپریم کورٹ میں پی ٹی آئی رہنما رؤف حسن، شعیب شاہین کے خلاف توہینِ عدالت کی درخواست ایڈووکیٹ میاں داود نے دائر کی۔
درخواست گزار نے موقف اختیار کیا ہے کہ روف حسن اورشعیب شاہین نے بیانات میں عدلیہ کو بدنام اور تضحیک کی جب کہ دونوں افراد مسلسل توہین عدالت کررہے ہیں۔
درخواست میں کہا گیا کہ فیصل ووڈا مصطفی کمال کی پریس کانفرنس کا عدالت نے نوٹس لیا تاہم تحریک انصاف رہنما گذشتہ دو سال سے عدلیہ کو ٹارگٹ کر رہے ہیں۔
سپریم کورٹ میں دائر درخواست میں استدعا کی گئی کہ شعیب شاہین اور رؤف حسن کے خلاف آرٹیکل 204 کے تحت توہین عدالت کی کارروائی کی جائے۔