مفرور ہونے کی بنیاد پر کسی کو انتخابات لڑنے سے نہیں روکا جاسکتا: سپریم کورٹ

اسلام آباد : سپریم کورٹ نے کہا ہے کہ الیکشن لڑنا ہر شہری کا بنیادی حق ہے،مفرور ہونے کی بنیاد پر کسی کو انتخابات لڑنے سے نہیں روکا جاسکتا۔

سپریم کورٹ میں پی ٹی آئی رہنما عمر اسلم کو انتخابات لڑنے کی اجازت سے متعلق کیس کی سماعت ہوئی ۔

سماعت کےدوران جسٹس منصور علی شاہ نے کہا کہ مفرور شخص الیکشن نہیں لڑسکتا بتادیں کہاں لکھا ہے۔

جسٹس اطہر من اللہ نے کہا کہ الیکشن کا فیصلہ عوام کوکرنا ہے۔

سپریم کورٹ نے پی ٹی آئی رہنما عمر اسلم کو انتخابات لڑنے کی اجازت دے دی۔

واضح رہے 9مئی مقدمات میں مفرور ہونے پر عمر اسلم کے کاغذات مسترد کیے گئے تھے،جسٹس منصور علی شاہ کی سربراہی میں 3رکنی بینچ نے اس کیس کی سماعت کی۔

یہ پڑھیں : سپریم کورٹ نے ثنااللہ مستی خیل کو الیکشن لڑنے کی اجازت دے دی