مقبول خبریں
ملک میں کورونا JN1 ویرینٹ کےکیسز سامنے آگئے
دنیا کے مختلف ممالک میں پھیلنے والی کورونا کی نئی قسم جے این 1 کے4 کیسز پاکستان میں بھی سامنے آگئے۔
ترجمان وزارت صحت نے کہا کہ چاروں افراد میں ہلکی علامات تھیں، بغیر کسی پیچیدگی کے صحت یاب ہوگئے۔
نگراں وزیر صحت نے کہاکہ صورت حال کی کڑی نگرانی کی جارہی ہے، انٹرنیشنل ایئرپورٹس اور تمام داخلی اور خارجی راستوں پر اسکریننگ کا مؤثر نظام موجود ہے۔
وزیر صحت کے مطابق سردیوں میں کووڈ یا فلو جیسی بیماریوں کے پھیلاؤ سے بچنے کے لیے ماسک، فاصلہ اور دیگر احتیاطی تدابیر اختیار کریں۔
واضح رہےکہ امریکا، برطانیہ اور بھارت میں کورونا کے نئے ویرینٹ جے این 1 کے کیسز سامنے آئے ہیں اور نئے ویرینٹ سے بھارت میں اموات بھی ہوئی ہیں جب کہ امریکا میں کورونا کے نئے ویرینٹ سے متاثرہ افراد کااسپتالوں میں داخلہ بڑھ گیا ہے۔
یہ پڑھیں : سردیوں میں قوتِ مدافعت بڑھانے کے آسان طریقے