اسرائیل کا لبنان پر دوسرے روز بھی حملہ ،حزب اللہ کے 8ارکان شہید

اسرائیل کے لبنان پر دوسرے روز بھی حملے جاری ہیں جس کے نتیجے میں حزب اللہ کے سینئر اہلکار سمیت 8 ارکان کو شہید ہوگئے۔

اسرائیل نے جنوبی لبنان کے علاقے نقورا میں عمارت پر فضائی حملہ کیا جس کے نتیجے میں حزب اللہ کے سینیئر اہلکار حسین یزبک سمیت چار ارکان شہید ہو گئے۔

خبرایجنسی کے مطابق اسرائیل نے نقورہ میں رہائشی عمارت کو ڈرون سے نشانہ بنایا۔

دوسری جانب حزب اللہ نے اسرائیلی ڈرون حملے میں 5 ساتھیوں سمیت حماس کے سیاسی بیورو کے نائب سربراہ کی شہادت کا بدلہ لینے کا اعلان کرتے ہوئے کہا ہے کہ اسرائیل کو صالح العاروری کی شہادت کی بھاری قیمت چکانا ہو گی۔

سربراہ حسن نصر اللّٰہ نے کہا ہے کہ اسرائیل نے لبنان کیخلاف جنگ چھیڑی تو لڑائی کی نہ کوئی حد ہوگی نہ کوئی اصول ہوگا۔

جنرل سلیمانی کی شہادت کی چوتھی برسی پر خطاب کرتے ہوئے حسن نصر اللّٰہ نے کہا کہ غزہ جنگ سے اسرائیل کی طاقت کا بھرم ٹوٹ گیا ہے، اسرائیل کے وجود کو خطرہ لاحق ہے۔

یہ پڑھیں : اسرائیل جنگ چاہتا ہے تو اس کی کوئی حد ہوگی نہ اصول :حسن نصراللہ