ایران : اسرائیلی خفیہ ایجنسی موساد کے 4 جاسوسوں کو پھانسی دے دی گئی

ایران نے اسرائیلی خفیہ ایجنسی موساد سے تعلق رکھنے والے 4 جا سوسوں کو پھانسی دے دی ۔

میڈیا کے مطابق تمام تخریب کاروں کے موساد کے ساتھ روابط تھے اور انہوں نے پروپیگنڈا کے مقصد کے ساتھ موساد کو ملک کی سیکیورٹی سے متعلق خفیہ معلومات فراہم کی تھیں۔

ایرانی حکام کے مطابق ’تخریب کاروں‘ کو پھانسی تمام قانونی پہلوؤں کو مد نظر رکھتے ہوئے دی گئی ہے۔

#BREAKING Iran’s regime on Friday morning executed three men identified as Aram Omri, Rahman Parhazou, and Vafa Hanareh, and a woman, Nasim Namazi, in Urmia Prison on charge spying for Israel’s Mossad.
A fifth prisoner, Mansour Rasouli, was also transferred to solitary… pic.twitter.com/xpNTUMN7Cx

— Iran International English (@IranIntl_En) December 29, 2023

رپورٹ میں بتایا گیا کہ مذکورہ افراد نے موساد کے افسران کے ساتھ ویڈیو روابط قائم کر کے ان سے براہ راست رابطہ کیا تھا، اس گروپ کے ارکان کی جانب سے تخریب کار کارروائیاں صوبہ آذربائیجان، تہران اور ہرمزگان کے علاقوں میں کی گئیں۔

ایران انٹرنیشنل کی رپورٹ کے مطابق یہ پھانسی شام میں اسرائیلی حملے میں جاں بحق ہونے والے ایرانی کمانڈر میجر جنرل رضا موسوی کی نماز جنازہ کے بعد ہوئی ہیں۔

ایرانی کمانڈر رضا موسوی 25 دسمبر کو شام کے دارالحکومت دمشق میں اسرائیل کے میزائل حملے میں جاں بحق ہوئے تھے، وہ شام میں مزاحمتی یونٹ کے انچارج تھے۔

یہ پڑھیں :ایران :موساد کے ایجنٹ کو پھانسی پرلٹکادیا گیا