ٹیسلا کی فیکٹری میں انسان نما روبوٹ کا انجینئر پر حملہ

ٹیکنالوجی کمپنیوں کا کہنا ہے کہ روبوٹ مستقبل ہیں، لیکن پھر بھی کہا جاتا ہے کہ حد سے زیادہ ٹیکنالوجی انسانوں کے لیے خطرہ ہے۔
اس بات کی وضاحت آسٹن کے قریب ٹیسلا کی گیگا ٹیکساس فیکٹری میں پیش آنے والے واقعے سے ہوتی ہے جہاں خراب روبوٹ نے مبینہ طور پر ایک انجینئر پر حملہ کیا ہے۔

امریکی ریاست میں الیکٹرک کار بنانے والی فیکٹری ٹیسلا میں انسان نما روبوٹ نے گاڑی کے انجینئر پر حملہ کرکے اسے زخمی کردیا۔

میڈیا کے مطابق فیکٹری میں صورتحال پر قابو پانے کے لیے ملازمین کو ہنگامی شٹ ڈاؤن بٹن دبانا پڑا۔

عینی شاہدین ملازمین کا کہنا ہے کہ گاڑیوں کے تازہ تیار کردہ حصے اٹھانے پر مامور ٹیسلا روبوٹ نے انجینئر پر اس وقت حملہ کیا جب وہ دو ناکارہ روبوٹس کو ٹھیک کرنے کے لیے سوفٹ ویئر پروگرامنگ میں مصروف تھا۔

Tesla robot ATTACKS an engineer at company’s Texas factory during violent malfunction – leaving ‘trail of blood’ and forcing workers to hit emergency shutdown button https://t.co/gogT9sjf5D pic.twitter.com/CvA8fl7skJ

— Daily Mail Online (@MailOnline) December 26, 2023

عینی شاہدین ملازمین کے مطابق حملہ آور روبوٹ نے انجینئر کو زمین پر گرادیا اور دھات سے بنے اپنے نوکیلے پنجے انجینئر کی کمر اور بازو میں گھونپ دیے۔
انجینئر ان روبوٹ کو کنٹرول کرتا ہےجسے ایلومینیم کار کے پرزہ جات کو حرکت دینے کے لیے ڈیزائن کیا گیا تھا۔
ٖغیر ملکی میڈیا کے مطابق حملے کی وجہ سامنے نہیں آسکی ہے، اس حوالے سے ٹیسلا کمپنی نے بھی تبصرہ کرنے سے انکار کردیا ہے۔

یہ پڑھیں:آٹو پائلٹ سسٹم میں خرابی ،ٹیسلا نے 20 لاکھ سے زائد گاڑیاں واپس طلب کرلیں