مقبول خبریں
اسرائیلی آرمی کی ویب سائٹ کو فلسطینی حامی ہیکرز نے ہیک کرلیا
فلسطینی حامی گروپ نے اسرائیلی فوج اور پوسٹل کمپنی کی ویب سائٹ ہیک کرلی اور اسرائیل کو دھمکی دی ہے کہ یہ تو صرف آغاز ہے۔
اسرائیلی میڈیا کے مطابق اسرائیل ڈیفنس فورس(آئی ڈی ایف) اور اسرائیل پوسٹل کمپنی کی ویب سائٹس کو فلسطین کے حامی ہیکرز نے مختصر مدت کیلئے ہیک کیا تھا۔
میڈیا رپورٹس کے مطابق ویب سائٹ ہیک کرنے کے بعد ہیکرز کی جانب سے ایک پوسٹ لگائی گئی تھی،جس میں لکھا گیا کہ ’غزہ میں اسرائیلی فوج کی ناانصافی صرف آپ کو دہشتگردی، قتل اور جنگ کے ذریعے نقصان پہنچائے گی اور یہ نقصان زمینی، ہوائی یا الیکٹرانک طور پر ہوگا‘۔
پوسٹ میں ہیکرز گروپ نے فلسطین کی آزادی کا مطالبہ کرتے ہوئے کہاکہ یہ صرف آپ کے گھناؤنے اقدامات، بربریت اور غزہ میں ہمارے مظلوم لوگوں کے قتل کا جواب ہے۔ یہ تو صرف آغاز ہے اور یہاں سے ہم آپ کو بتاتے ہیں کہ ہم صرف اپنی سرزمین فلسطین کی سمندر سے دریا تک کی آزادی کو ہی قبول کریں گے۔
אתר צה”ל הותקף בידי האקרים פרו-פלסטינים pic.twitter.com/axLbp4Ddgt
— יוני בן מנחם yoni ben menachem (@yonibmen) December 13, 2023
پوسٹ میں مزید کہا گیا کہ اگر آپ کے ساتھ ہماری جنگ ہمیشہ کے لیے جاری رہے تو بھی آپ کو ہم سے قتل و غارت اور دہشت کے سوا کچھ نہیں ملے گا۔
זוכרים שלפני חצי שנה נפרץ אתר דואר ישראל ע״י האקרים איראניים?
אז חשבתם שהם למדו את הלקח, שכרו שירותי סייבר ושיפרו משמעותית את ההגנה?@ohcybermycyber pic.twitter.com/wUUmoXShLU— Ron Lerman | רון לרמן (@LermanRon) December 13, 2023
میڈیا رپورٹس کہ مطابق ویب سائٹ پر حملہ کرنے والےگروہ یا فرد نے اشارہ کیا ہےکہ وہ اردنی نژاد ہیں ۔
پوسٹ میں یہ بھی کہا گیا کہ اردن میں آپ کے بھائیوں سے لے کر غزہ اور فلسطین کے ہمارے لوگوں تک، ہم دل اور عمل سے آپ کے ساتھ ہیں اور یہ ہمارا مقصد اور ہر آزاد مسلمان کا خواب ہے۔
دوسری جانب اسرائیلی فوج نے ویب سائٹ ہیک ہونےکی تصدیق بھی کی اور بتایا کہ ویب سائٹ کو آف لائن کرنے کے بعد اب دوبارہ بحال کردیا گیا ہے۔
واضح رہے7 اکتوبر سے جاری اسرائیل کی جانب سے نسل کشی میں شہید فلسطینیوں کی تعداد 18ہزار 900 تک جا پہنچی ہے جبکہ زخمی فلسطینیوں کی تعداد 55 ہزار سے بھی بڑھ گئی ہے۔
یہ پڑھیں:غزہ میں اسرائیلی بمباری نہ رکی،بڑی تعداد میں فلسطینی شہید