مقبول خبریں
اقوام متحدہ کی 18 ایجنسیوں کے رہنماؤں نے فلسطینیوں کی شہادتوں کو خوفناک قرار دیدیا
Reporter KA
06 نومبر, 2023 17:32
اقوام متحدہ کے18 ایجنسیوں کے سربراہوں نے اتوار کو ایک غیر معمولی مشترکہ بیان میں فلسطینیوں کی شہادتوں کو خوفناک قرار دے دیا ہے۔
اقوام متحدہ کے ادارے کے سربراہوں نے غزہ میں جنگ بندی کے لیے غیر معمولی مشترکہ درخواست میں کہا کہ یونیسیف، اقوام متحدہ کی خواتین اور دیگر ایجنسیاں تنازعات سے بڑھتی ہوئی شہادتوں پر صدمے اور ہولناکی کا اظہار کررہی ہیں۔
اقوام متحدہ کی 18 ایجنسیوں کے رہنماؤں نے اسرائیل اور حماس کی جنگ میں فوری طور پر جنگ بندی کا مطالبہ کیا ہے، انہوں نے تنازعہ سے ہونے والی شہادتوں کی تعداد پر صدمے اور خوف کا اظہار کیا ہے۔
انہوں نے کہا کہ ہمیں فوری طور پر انسانی بنیادوں پر جنگ بندی کی ضرورت ہے، 30 دن ہو گئے ہیں اب بہت ہو گیا،یہ اب بند ہونا چاہیے۔
اقوام متحدہ کے سربراہان بشمول یونیسیف، یو این ویمن، ورلڈ فوڈ پروگرام اور ورلڈ ہیلتھ آرگنائزیشن کے سربراہان نے گزشتہ ماہ کے دوران اسرائیلیوں اور فلسطینیوں دونوں کی ہلاکتوں کو خوفناک قرار دیاہے۔
حماس کے زیر انتظام انکلیو میں حکام کے مطابق غزہ پر اسرائیل کی بمباری میں ہزاروں فلسطینی ہلاک ہو چکے ہیں، جن میں زیادہ تر عام شہری ہیں۔
اقوام متحدہ کے رہنماؤں نے کہا کہ تقریباً ایک ماہ سے دنیا اسرائیل اور مقبوضہ فلسطینی سرزمین میں ابھرتی ہوئی صورتحال کو صدمے اور ہولناکی سے دیکھ رہی ہے۔
اقوام متحدہ کے سربراہوں نے تمام فریقوں سے مطالبہ کیا کہ وہ بین الاقوامی انسانی حقوق کے قانون کے تحت اپنی ذمہ داریوں کا احترام کریں، بشمول ہسپتالوں، اسکولوں اور شہر کے بنیادی ڈھانچے کی حفاظت کے ساتھ ساتھ غزہ میں امداد کی اجازت دیں۔
بیان میں کہا گیا کہ یہ ناقابل قبول ہے کہ غزہ کی آبادی کو ضروری سامان اور خدمات سے محروم کیا جا رہا ہے، اور ساتھ ہی ان کے گھروں، پناہ گاہوں، ہسپتالوں اور عبادت گاہوں پر بمباری کی جا رہی ہے۔
اقوام متحدہ کے رہنماؤں نے درجنوں امدادی کارکنوں کے قتل کی بھی مذمت کی۔
انہوں نے کہا کہ 7 اکتوبر سے لے کر اب تک UNRWA کے 88 ساتھیوں سمیت سینکڑوں امدادی کارکن مارے جا چکے ہیں – جو کہ کسی ایک تنازعہ میں اقوام متحدہ کی اب تک کی سب سے زیادہ ہلاکتیں ہیں۔
یہ پڑھیں : پاکستان بدستور پناہ گزینوں کی میزبانی کرنیوالے بڑے ممالک میں شامل ہے: اقوام متحدہ
متعلقہ خبریں
