مقبول خبریں
اسرائیلی بمباری سے عرب چینل کے رپورٹر کی بیوی، بیٹا اور بیٹی شہید
غزہ پر اسرائیلی حملوں میں عرب چینل الجزیرہ کے بیورو چیف وائل الدحدوح کا خاندان بھی شہید ہوگیا۔
مغربی طاقتوں کی ایما پر اسرائیل کی جانب سے مقبوضہ فلسطین کے علاقے غزہ میں فلسطینیوں کی نسل کشی جاری ہے۔
فلسطینی وزارت صحت کے مطابق 24 گھنٹوں میں اسرائیلی بمباری سے 344 بچوں سمیت 756 فلسطینی شہید ہوئے جس کے بعد شہید فلسطینیوں کی مجموعی تعداد 6 ہزار 546 ہوگئی ہے۔
اسرائیلی بمباری میں الجزیرہ چینل کے غزہ کے بیورو چیف وائل الدحدوح کی بیوی، بیٹا اور ننھی بیٹی شہید ہوگئے جبکہ خاندان کے دیگر افراد بھی شہید ہوئے۔
Aljazeera' s brave veteran journalist Wael Dahdouh's wife, son and daughter were killed in an Israeli airstrike which targeted a shelter house they had fled to. Wael received the news while on air covering the nonstop Israeli strikes on Gaza! pic.twitter.com/G2Z8UreboU
— Mohamed Moawad (@moawady) October 25, 2023
عرب میڈیا رپورٹس کے مطابق الجزیرہ چینل کے نمائندے کا خاندان النصیریہ کے پناہ گزین کیمپ میں موجود تھا۔
الجزیرہ چینل کے نمائندے کی شہید ننھی بیٹی کو گود میں اٹھائے اسپتال سے نکلنے اور شہید بیٹے کی میت کو دیکھنے کی ویڈیوز وائرل ہوگئیں۔
یہ پڑھیں : اسرائیلی حملوں کا تسلسل وسیع تنازع کو جنم دے سکتا ہے،پاکستان نے خبردار کردیا