‘مجھے خون کا پیسہ نہیں چاہیے’، معروف میک اپ برانڈ کی بانی کا اسرائیلی خاتون کو کرارا جواب

معروف میک اپ برانڈ ہدیٰ کی بانی اور عراقی نژاد امریکی خاتون ہدیٰ قطان نے غزہ کی حمایت کی وجہ سے سوشل میڈیا پر دھمکی دینے والی اسرائیلی خاتون کو کھری کھری سنادی۔

ہدا قطان نے سوشل میڈیا پر اپنی 40 ویں سالگرہ کی سیلیبریشن کی تصاویر شیئر کی تھیں جس پر انہیں مداحوں نے مبارکباد پیش کی وہیں غزہ کی حمایت پر اسرائیلیوں نے ان پر تنقیدی تبصرے شروع کردیے۔

ایک اسرائیلی خاتون نے ہدیٰ قطان کی تصاویر پر پوسٹ کرتے ہوئے لکھا کہ’مجھے نہیں پتا کہ آپ نے غور کیا یا نہیں لیکن اسرائیل میں آپ کو اور آپ کے پراڈکٹس کو پسند کیا جاتا ہے اسرائیلی آپ کے پراڈکٹس خریدتے بھی ہیں لیکن آپ غزہ کی حمایت کررہی ہیں، اگر آپ نے یہ جاری رکھا تو اسرائیلی آپ کے پراڈکٹس خریدنا چھوڑدیں گے چاہے پھر وہ دنیا کے کسی بھی حصے میں ہوں، یہ آپ کیلئے شرم کی بات ہے کیوں کہ اسرائیلیوں کی بڑی تعداد آپ کے پراڈکٹس کی خریدار ہے اور غزہ کے پاس اتنا پیسہ نہیں کہ وہ آپ کے پراڈکٹس خرید سکیں کیوں کہ وہ ہتھیار خریدنے کو ترجیح دیتے ہیں‘۔

HUDA IS EATING THE ZIONISTS UPPPPPPPPPP pic.twitter.com/R7wGDOqcMx

— b (@lifewithbush) October 15, 2023

اسرائیلی خاتون کی طویل دھمکی بھری پوسٹ پر ہدیٰ قطان نے جواب میں لکھا کہ’ مجھے خون کا پیسہ نہیں چاہیے ‘۔