میا خلیفہ بھی مظلوم فلسطینیوں کی مکمل حمایت میں سامنے آگئیں

نیویارک: اسرائیلی فوج کی جارحیت پر سوشل میڈیا اسٹار میا خلیفہ بھی مظلوم فلسطینیوں کی مکمل حمایت میں سامنے آگئیں۔

میا خلیفہ نے سماجی رابطے کی ویب سائٹ ایکس (سابقہ ٹوئٹر) پر لکھا کہ اگر فلسطینیوں کی حالت کو دیکھ کر لوگ ان کی حمایت نہ کریں تو تاریخ بتائے گی کہ وہ لوگ غلط سمت میں کھڑے تھے۔

If you can look at the situation in Palestine and not be on the side of Palestinians, then you are on the wrong side of apartheid and history will show that in time

— Mia K. (@miakhalifa) October 7, 2023

ایک صارف نے جب ان کی پوسٹ پر یہ کمنٹ کیا کہ وہ پاکستانی نوبیل انعام یافتہ ملالہ یوسفزئی سے زیادہ واضح انداز میں فلسطینی عوام کی حمایت کررہی ہیں تو میا خلیفہ کو یہ موازنہ پسند نہیں آیا۔

یہ بھی پڑھیں: بھارتی اداکارہ سوارا بھاسکر نے اسرائیل کے حمایتیوں کو منافق قرار دیدیا

انہوں نے جواب میں لکھا کہ وہ صارف کی بات سے متفق نہیں ہیں اور لوگوں کو دوسروں کے جذبات اور صدمات کے متعلق لفاظی نہیں کرنی چاہئے، ملالہ یوسفزئی کو اپنے جذبات کے اظہار کیلئے وقت دینا چاہئے، وہ بہت سے لوگوں کیلئے رہنما اور انسپریشن ہیں۔

I appreciate your sentiment, but I don’t agree with this rhetoric. We need to be more empathetic to people’s traumas and ability to absorb and digest things unfolding in real time. Freezing is a trauma response, feeling overwhelmed is common, and we need to give people time to… https://t.co/bFA0xs0HjD

— Mia K. (@miakhalifa) October 8, 2023

واضح رہے کہ اسرائیلی فوج کے فضائی حملوں سے غزہ میں اب تک 500 سے زائد فلسطینی شہید اور ہزاروں زخمی ہوگئے ہیں جبکہ حماس سے جھڑپوں میں 700 اسرائیلی ہلاک ہوئے ہیں۔